Այս համեղ և հետաքրքիր աղցանի պատրաստման համար անհրաժեշտ են հետևյալ բաղադրիչները․
- Կարտոֆիլ — 4-5 հատ
- հավի ֆիլե — 2 հատ
- սալորաչիր
- ընդեղեն ըստ ճաշակի
- թթվասեր — 3 ճ.գ
- մայոնեզ — 3 ճ.գ
- սխտոր — 1 պճեղ
- աղացած սև պղպեղ
Աղցանի պատրաստման եղանակը․
Սոուսի համար թթվասերն ու մայոնեզը խառնեք հավասար քանակությամբ։ Ավելացրեք մանրացված սխտոր և սև պղպեղ։ Կարտոֆիլը և հավի կրծքամիսը եփեք թեթև աղի ջրի մեջ։ Խաշած կարտոֆիլն անցկացրեք քերիչով և լցրեք ափսեի մեջ որպես առաջին շերտ և դրա վրա քսեք պատրաստված սոուսը։
Հավի կրծքամիսը լավ մանրացրեք, այսպես աղցանն ավելի նուրբ կլինի։ Սա երկրորդ շերտն է, սրա վրա նորից սոուս քսեք: Հաջորդ շերտը սալորաչիրն է, եթե այն շատ չոր է, ապա թրջեք ջրի մեջ մի քանի րոպեով, ապա կտրատեք շերտերով: Լցրեք կրծքամսի վրա և նորից սոուս քսեք: Հետո նորից կրկնեք նույն ընթացակարգը՝ կարտոֆիլ՝ սոուս, կրծքամիս՝ սոուս, սալորաչիր՝ սոուս։ Ընկույզը կտրատեք, շաղ տվեք աղցանի վրա և մատուցեք։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն
